Daily Archives: February 2, 2018

భూమిక పత్రికా సంపాదకులకు, గత సంచికలో ప్రచురించిన భార్గవి గారి ”భారతీయ చలనచిత్ర సీమ చెక్కిలి మీద ఘనీభవించిన కన్నీటి చుక్క గురుదత్‌” సినిమాలోకం ఆద్యంతమూ ఉద్వేగ భరితం చేసింది. గురుదత్‌ని తీర్చిదిద్దిన ప్రభాత్‌ స్టూడియో ఇప్పుడు ”ప్రతిష్టాత్మక పూనా ఫిల్మ్‌ ఇన్‌స్టిట్యూట్‌” అయింది.

ఐదు నెలలు నిండ బోతున్న నిత్యకి సీమంతం జరుగుతోంది. పెళ్ళై మూడేళ్ళైంది. నెల తప్పిందని తెలిసినప్పట్నుండి తను వింటున్న మాటలు ఆశ్చర్యమనిపిస్తున్నాయి. తన దృష్టిలో అవి లైంగిక పరమైన మాటలు, సెక్సువల్లీ కలర్డ్‌ భాష…

‘బల్లెనే దోస్తు వూల్లెగాదు’ యిది నా బాల్యంలో జరిగిన కుల భంగపాటు. అవి యింకా మానని పుండ్లయి సలుపుతనే వుంటయి, రసి కార్తనే వుంటయి. నాకు మంచి దోస్తు లీల. యిప్పటికి ఆమె స్నేహం యాదొస్తే కళ్ళల్లో చెరువులు దునుకుతయి.

ప్రియమైన మృణాళినీ, ఎలా ఉన్నావ్‌? మొన్నా మధ్యన విజయవాడలో సాహిత్య అకాడమీ మీటింగ్‌లో కలిసాం కదా! రెండ్రోజులు హాయిగా గడిచింది. సత్యవతి గారిని, బాలాంత్రపు రజనీకాంతారావు గార్ని కలిసిన అనుభవం మరువలేనిది.

రోయిని కార్తె ఎండ మొకం పగులగొడ్తున్నది. ఎర్రమట్టి బాట మీద వడగాలికి సన్నంగ దుబ్బ లేస్తున్నది. అప్పుడప్పుడు వచ్చిపోతున్న బస్సుల వేగానికీ, లారీల దూకులాటలకూ, బాటమీద నడిచి పోతున్న వాళ్ళు హడలిపోతున్నరు.

ప్రయాణమంటే ఎందుకింత పరవశం? కదలికలో ఎంత సంతోషముందో అర్థమైనందుకా? ఒకే చోటు, ఒకే ప్రాంతం, ఒకే మనిషితో సహవాసం కొంతకాలం భలేగా ఉంటుంది. చలం రాజేశ్వరి ఇంటి నాలుగ్గోడల ఇరుకులోంచి మైదానాల్లోకి ఎగిరిపోయింది కానీ కొంతకాలానికి అదీ యాంత్రికమైపోతుంది కదా!

ఆ రోజుల్లో ఆడవాళ్ళు సినిమాల్లోకి వచ్చేవాళ్ళు కారు. చాలా చిన్న ఫ్యామిలీస్‌లోని ఆడవాళ్ళు అదీ డ్రామాల్లో పనిచేసే వాల్ళు సినిమాల్లోకి వచ్చేవాళ్ళు. మంచి ఫ్యామిలీనుంచైతే అసలు రారు.

కాలగమనంలో సమాజం ముందుకు పోతున్నట్లు అనిపిస్తున్నా, కనిపిస్తున్నా లింగ వివక్ష యథాప్రకారం కొనసాగుతూనే ఉండడం వలన స్త్రీల జీవితంపై గుణాత్మకమైన మార్పులు ఏవీ రాలేదన్నది యదార్థం.

”మగడు వేల్పన పాత మాటది ప్రాణమిత్రుడ నీకు” ఆధునిక నవయుగ వైతాళికుడు గురజాడ అన్న మాటలు ఆచరణలోకి రావాలని మనందరం కోరుకుందాం.

ఇటీవల దేశమంతటా సంచలనం కలిగించిన పదం ‘డీమానిటైజేషన్‌’. అకస్మాత్తుగా అమలైన పెద్ద నోట్ల రద్దు సామాన్య జనాన్ని ఎంత ఇబ్బందులకు గురి చేసిందో…చిరు వ్యాపారులకు ఎంత నష్టం కలిగించిందో… ఎంత మంది కార్మికుల పొట్ట కొట్టిందో మనందరికీ తెలుసు.