నానీలు – విజయశ్రీ మహాకాళి

సాంతిేకమా!
నీకు సాష్టాంగ నమస్కారం
పశ్చిమ దేశంలోని పనివాడిని 
పక్కనే చూపావు
మనవడితో
రోజంతాపనే
అలసటలో
అద్వైత భావం
అబ్బరాల వదనం
అవ్యక్త ప్రకటనం
అబ్బో
ఇది అనుకోని కవిత్వం!!
చందమామలా
ఉన్నాడంటారు
అబద్దమంటే
ఇదే మరి!!
నీ హాసవిలాసాల్లో
కాళిదాసు
అనిమిత్త హాసాలకు
దొరికింది అడ్రసు
అతడు గొప్ప నిఘంటుకారుడు
మా వాడి మాటలకు
అర్థం చెప్పమనండి చూద్దాం!!
నవ్వుల మీద
పరిశోధన
పి.హెచ్‌.డి. చేస్తున్న
పని పండితుడు
మూని పెట్టిన
పిడికిళ్ళలో
ఎన్ని జన్మల రహస్యాలో
చెప్పుకోండి
చిన్ని పెదవుల్లో
ఎన్ని రాగాలో
ఎత్తుకోమని
ఎన్ని వేడుకోలో!!
మడత పెట్టిన
పట్టుచీరలా
ఒళ్ళో ఎంత మెత్తగా
ఉన్నాడో
పాల కడలిని
నాలుకతో చిలుకుతారా
ఇదిగో
వీడున్నాడుగా!!
కృష్ణడికి
గుప్పిళ్ళలోనే వెన్న
వీడికి
ఒళ్లంతా వెన్నే
వాడు నిలబడితే
నీటిలో పద్మం
కూర్చుంటే
పద్మంలో బ్రహ్మ
వాడి నవ్వుల్లో
దొర్లే గమకాలకి
శాస్త్రాలు చాలవు
అనువాదాలు లేవు
మనవడి కళ్ళు
మమతల వాకిళ్ళు
తపతపల కాళ్ళు
తామరతూళ్ళు

Share
This entry was posted in కవితలు. Bookmark the permalink.

Leave a Reply

Your email address will not be published. Required fields are marked *

(కీబోర్డు మ్యాపింగ్ చూపించండి తొలగించండి)


a

aa

i

ee

u

oo

R

Ru

~l

~lu

e

E

ai

o

O

au
అం
M
అః
@H
అఁ
@M

@2

k

kh

g

gh

~m

ch

Ch

j

jh

~n

T

Th

D

Dh

N

t

th

d

dh

n

p

ph

b

bh

m

y

r

l

v
 

S

sh

s
   
h

L
క్ష
ksh

~r
 

తెలుగులో వ్యాఖ్యలు రాయగలిగే సౌకర్యం ఈమాట సౌజన్యంతో