బాలికా సంరక్షణ బీమా: 2005వ సంవత్సరం ఏప్రిల్‌ ఒకటి తర్వాత పుట్టిన బాలికలందరికీ ప్రభుత్వం బీమా చేస్తుంది. వీరికి 20 ఏళ్ళ వయసు వచ్చేసరికి ఈ బీమా మొత్తం లక్ష రూపాయలుగా వీరికి అందుతుంది. అయితే ఈ మొత్తాన్ని అందుకోవాలంటే బాలిక ఇంటర్మీడియట్‌ పూర్తి చేసి ఉండాలి.
విద్యా ప్రోత్సాహక స్కాలర్‌షిప్‌: బాలికల విద్యార్జనను పెంచేందుకు తొమ్మిదవ తరగతి నుంచి ఇంటర్మీడియట్‌ వరకు ఏడాదికి రూ.1200ల వరకు స్కాలర్‌షిప్‌ ఇస్తారు. అంగన్‌వాడీలు ఈ బాలికలను గుర్తించి ఐసిడిఎస్‌ జిల్లా ప్రాజెక్ట్‌ అధికారికి ప్రతిపాదనలు పంపుతారు.
బాలికా మండలి : మాతా, శిశు మరణాలు ఎక్కువ ఉండి, బడిమానివేసే బాలికల శాతం అధికంగా ఉన్నచోట్ల బాలికలను గుర్తించి, వారికి శిక్షణనిచ్చి వారివారి గ్రామాలలో బడి ఈడు బాలికలు బడి బయట ఉండకుండా చూసే బాధ్యతను అప్పగిస్తారు.
బాలికల గృహం: తల్లిదండ్రులులేని / వదిలివేయబడిన బాలికలను రెసిడెన్షియల్‌ పద్ధతిలో వసతి సదుపాయంతోపాటు పదవ తరగతి వరకు ఉచితంగా విద్యనందిస్తారు.
శిశు గృహం: పసిపిల్లల్ని తల్లిదండ్రులు వదిలేసినా, తల్లిదండ్రులు లేకపోయినా, ఆ శిశువులను ఈ గృహంలో సంరక్షించి, వారిని దత్తత తీసుకోవడానికి ముందుకు వచ్చే వారికి దత్తత ఇస్తారు. దత్తత వెళ్ళని పిల్లలు మేజర్లు అయ్యేవరకు ప్రభుత్వమే వారి సంరక్షణ, విద్యావసరాలను చూస్తుంది.
బాలల రక్షణ కోసం నడపబడుతున్న టోల్‌ ఫ్రీ నెంబర్‌ (చైల్డ్‌ లైన్‌) : 1098
